sachai
teri aankhon mein kuch aisa hai, jo bas mehsoos hota hai, samajh nahi aata. har nazar ek raaz jaise chhupaye rakhti hai, aur main un raazon mein khud ko kho deti hoon. teri muskaan jaise halki hawa dil ko chhoo jaaye, raat ki khamoshi mein bhi roshni ban jaaye. log kuch bhi kahe, hai tu sirf ek naram sa phool, jo bina dare dil se pyar karta hai, aur duniya se kabhi khudko nahi chupata teri awaaz, bas ek baar sun loon, din bhar mere dil ke kone mein ghoomti rahe. jab tu khamosh hota hai, teri khamoshi hi sab kuch kehti hai, aur main bas sun leti hoon. aur jab tu dekhta hai, tere aankhon mein kuch khoya sa, teri muskaan mein halki si roshni, pighal jaati hoon sirf tere liye. khud ko dhundhti hoon kahin, par tu hi mil jaata hai. ek pal ke liye duniya ruk jaati hai, aur sirf hum dono reh jate hai. tu jaisa hai, wahi kaafi hai, kuch aur chahne ki zarurat nahi, kyunki tu hi mera sukoon hai.